នាព្រឹកថ្ងៃព្រហស្បតិ៍ ១៣កើត ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៦ ត្រូវនឹងថ្ងៃទី២២ ខែកក្ដដា ឆ្នាំ២០២២ លោកជំទាវ ង៉ែត ម៉ូវីឡែន អគ្គនាយករងនៃអគ្គនាយកដ្ឋានសវនកម្មផ្ទៃក្នុង អមដោយថ្នាក់ដឹកនាំ និងមន្រ្តីជំនាញ បានអញ្ជើញចូលរួមកិច្ចប្រជុំស្តីពី ការបញ្ជ្រាបការយល់ដឹង លើចំណាយទូទាត់ត្រង់ដែលហានិភ័យទាបសម្រាប់ក្រសួង-ស្ថាប័ន ១៩ ដែលបានរៀបចំដោយ លេខាធិការដ្ឋានក្រុមការងារគ្រប់គ្រងគម្រោង FMIS តាមប្រព័ន្ធអនឡាញ។

នាព្រឹកថ្ងៃច័ន្ទ ៩កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី៩ ខែឧសភា ឆ្នាំ២០២២ ប្រតិភូសវនកម្មផ្ទៃក្នុងដឹកនាំដោយឯកឧត្តម ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានសវនកម្មផ្ទៃក្នុង អមដោយលោកជំទាវ អនុប្រធានប្រតិភូ និងសមាជិក បានចូលរួមកិច្ចប្រជុំដំបូងតាមរយៈប្រព័ន្ធវីឌីអូអនឡាញ (Video conference) ស្តីពីការធ្វើសវនកម្មលើប្រព័ន្ធគ្រប់គ្រងផ្ទៃក្នុង អនុលោមភាព និងប្រសិទ្ធភាពប្រតិបត្តិការ នៅអគ្គនាយកដ្ឋានពន្ធដារ ជាមួយថ្នាក់ដឹកនាំនៃអគ្គនាយកដ្ឋានពន្ធដារ ដែលដឹកនាំដោយលោកជំទាវ ប៊ុន នារី អគ្គនាយករង ព្រមទាំងថ្នាក់ដឹកនាំ និងមន្រ្តីពាក់ព័ន្ធនៃអគ្គនាយកដ្ឋានពន្ធដារ។

នាព្រឹកថ្ងៃសុក្រ ៦រោច ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី០៦ ខែឧសភា ឆ្នាំ២០២២ វេលាម៉ោង ៨:៣០នាទី អគ្គនាយកដ្ឋានសវនកម្មផ្ទៃក្នុង នៃក្រសួងសេដ្ឋកិច្ចនិងហិរញ្ញវត្ថុ បានរៀបចំកិច្ចប្រជុំផ្ទាល់ និងតាមលើខ្សែ (Online) ដើម្បីពិនិត្យលទ្ធផលការងារដែលបានអនុវត្តក្នុងផែនការ និងក្រៅផែនការប្រចាំខែមេសា ឆ្នាំ២០២២ និងទិសដៅការងារសម្រាប់អនុវត្តក្នុងខែឧសភា ឆ្នាំ២០២២ ក្រោមអធិបតីភាពរបស់ឯកឧត្តមបណ្ឌិត ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានសវនកម្មផ្ទៃក្នុង ដោយមានការចូលរួមពីថ្នាក់ដឹកនាំ និងមន្រ្តីរាជការនៃអគ្គនាយកដ្ឋានទាំងអស់ ដែលមានរបៀបវារៈចំនួន៥ គឺ ៖ ១-ពិនិត្យលទ្ធផលការងារដែលបានអនុវត្តក្នុងផែនការ និងក្រៅផែនការប្រចាំខែមេសា ឆ្នាំ២០២២ ២-បញ្ហាបច្ចេកទេសសវនកម្ម និងបញ្ហាប្រឈមផ្សេងៗក្នុងពេលអនុវត្តការងារសវនកម្ម ៣-ទិសដៅការងារសម្រាប់អនុវត្តក្នុងខែឧសភា ឆ្នាំ២០២២ ៤-ការងារថ្នាក់ជាតិ ៥-បញ្ហាផ្សេងៗ។

នាព្រឹកថ្ងៃទី២៨ ខែមេសា ឆ្នាំ២០២២ លោកជំទាវ ង៉ែត ម៉ូវីឡែន អគ្គនាយករង អមដោយមន្ត្រីជំនាញនៃអគ្គនាយកដ្ឋានសវនកម្មផ្ទៃក្នុង បានអញ្ជើញចូលរួមសិក្ខាសាលាស្តីពីការពង្រឹងគណនេយ្យភាពសវនកម្មផ្ទៃក្នុង និងសវនកម្មផ្ទៃក្នុងនៃព្រះរាជាណាចក្រកម្ពុជា ដែលបានរៀបចំដោយអាជ្ញាធរសវនកម្មជាតិតាមប្រព័ន្ធវីឌីអូ Zoom។ សិក្ខាសាលានេះបានផ្តោតលើចំណុចសំខាន់ៗដូចជា៖ ១-បទបង្ហាញស្តីពីច្បាប់ បទប្បញ្ញត្តិ និងគោលការណ៍ នីតិវិធីសវនកម្មផ្ទៃក្នុង ២-ផែនការយុទ្ធសាស្រ្តអភិវឌ្ឍន៍សវនកម្មផ្ទៃក្នុង ៣-ការជ្រើសរើសគំរូសវនកម្ម និងការរៀបចំរបាយការណ៍សវនកម្មផ្ទៃក្នុង ៤-ការជ្រើសរើសគំរូសវនកម្ម ភស្តុតាងសវនកម្ម និងសំណេរការងារសវនកម្ម ៥-ទំនាក់ទំនងរវាងសវនកម្មផ្ទៃក្រៅ និងសវនកម្មផ្ទៃក្នុង។

នាព្រឹកថ្ងៃអង្គារ ១២រោច ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៩ ខែមីនា ឆ្នាំ២០២២ អគ្គនាយកដ្ឋានសវនកម្មផ្ទៃក្នុងនៃក្រសួងសេដ្ឋកិច្ចនិងហិរញ្ញវត្ថុ បានរៀបចំវគ្គបណ្តុះបណ្តាលស្តីពី “ការណែនាំធ្វើសវនកម្មសាកល្បងលើបច្ចេកវិទ្យាព័ត៌មាន” ដែលមានរយៈពេល ២ថ្ងៃ ចាប់ពីថ្ងៃទី២៩ ដល់ ៣០​ ខែមីនា ឆ្នាំ២០២២ ជូននាយកដ្ឋានសវនកម្មផ្ទៃក្នុង នៃក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច, ក្រសួងការបរទេស និងសហប្រតិបត្តិការអន្តរជាតិ, ក្រសួងកិច្ចការនារី និង ក្រសួងពាណិជ្ជកម្ម ដែលមានអ្នកចូលរួមសរុបចំនួន ៣៦នាក់ ក្រោមអធិបតីភាពឯកឧត្តមបណ្ឌិត ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានសវនកម្មផ្ទៃក្នុង តាមប្រព័ន្ធអនឡាញ (កម្មវិធី Zoom)។ វគ្គបណ្តុះបណ្តាលនេះគឺមានសារៈសំខាន់ណាស់ ហើយក៏ជាដំណាក់កាលចាប់ផ្តើមនៃការបញ្ជ្រាបការយល់ដឹងអំពីការធ្វើសវនកម្មលើបច្ចេកវិទ្យាព័ត៌មាន ដោយក្នុងនោះគ្រូឧទ្ទេសបានបញ្ចូលនូវនីតិវិធីនានា ដើម្បីធ្វើឱ្យសវនករផ្ទៃក្នុងនៃក្រសួងទាំង៤ នេះ អាចចាប់ផ្តើមសាកល្បងធ្វើសវនកម្មលើបច្ចេកវិទ្យាព័ត៌មាន ដែលជាករណីសិក្សាផ្ទាល់ ដោយមានការគាំទ្រពីសវនករផ្ទៃក្នុងនៃក្រសួងសេដ្ឋកិច្ចនិងហិរញ្ញវត្ថុ។

នាព្រឹកថ្ងៃចន្ទ ៥កើត ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៧ ខែមីនា ឆ្នាំ២០២២ អគ្គនាយកដ្ឋានសវនកម្មផ្ទៃក្នុង នៃក្រសួងសេដ្ឋកិច្ច និងហិរញ្ញវត្ថុ បានរៀបចំវគ្គបណ្តុះបណ្តាលខ្លីតាមប្រព័ន្ធវីឌីអូស្តីពី “សវនកម្មផ្អែកលើដំណើរការមានហានិភ័យ” តាមការស្នើសុំរបស់ថ្នាក់ដឹកនាំនៃគណៈកម្មាធិការគ្រប់គ្រងល្បែងពាណិជ្ជកម្មកម្ពុជា (គលក) ជូនមន្ត្រីសវនកម្មផ្ទៃក្នុង និងមន្ត្រីពាក់ព័ន្ធចំនួន ១៧នាក់ ដោយមានការចូលរួមថ្លែងសន្ទរកថាគន្លឹះបើកវគ្គបណ្តុះបណ្តាលពី ឯកឧត្តមបណ្ឌិត ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានសវនកម្មផ្ទៃក្នុង ដែលការរៀបចំឱ្យមានវគ្គបណ្តុះបណ្តាលនេះឡើង គឺជាការឆ្លុះបញ្ចាំង ឱ្យឃើញនូវការយកចិត្តទុកដាក់ខ្ពស់លើតួនាទី និងអត្ថប្រយោជន៍នៃសវនកម្មផ្ទៃក្នុង ក៏ដូចជាជួយដល់ថ្នាក់ដឹកនាំ គលក ក្នុងការពង្រឹងប្រសិទ្ធភាពនៃការគ្រប់គ្រងហានិភ័យ ដំណើរការត្រួតពិនិត្យផ្ទៃក្នុង និងអភិបាលកិច្ចល្អនៅ គលក។ សូមជម្រាបថា វគ្គបណ្តុះបណ្តាលនេះមានរយៈពេល ១ថ្ងៃ ដែលមានបទបង្ហាញសំខាន់ៗចំនួន ៥ គឺ៖ (១) សេចក្តីផ្តើម និងទិដ្ឋភាពទូទៅនៃមុខងារសវនកម្មផ្ទៃក្នុង (២) ក្របខណ្ឌច្បាប់ និងស្តង់ដារសវនកម្មផ្ទៃក្នុង (៣) សញ្ញាណសំខាន់ៗនៃសវនកម្មផ្ទៃក្នុង (៤) អភិក្រមសវនកម្មផ្តោតលើដំណើរការមានហានិភ័យ (៥) សវនកម្មប្រព័ន្ធបច្ចេកវិទ្យាព័ត៌មាន។

នារសៀលថ្ងៃព្រហស្បតិ៍ ១កើត ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៣ ខែមីនា ឆ្នាំ២០២២ វេលាម៉ោង ២:៣០នាទី អគ្គនាយកដ្ឋានសវនកម្មផ្ទៃក្នុង នៃក្រសួងសេដ្ឋកិច្ចនិងហិរញ្ញវត្ថុ បានរៀបចំកិច្ចប្រជុំតាមលើខ្សែ (Online) ដើម្បីពិនិត្យលទ្ធផលការងារដែលបានអនុវត្តក្នុងផែនការ និងក្រៅផែនការប្រចាំខែកុម្ភ: ឆ្នាំ២០២២ និងទិសដៅការងារសម្រាប់អនុវត្តក្នុងខែមីនា ឆ្នាំ២០២២ ក្រោមអធិបតីភាពរបស់ឯកឧត្តមបណ្ឌិត ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានសវនកម្មផ្ទៃក្នុង ដោយមានការចូលរួមពីថ្នាក់ដឹកនាំ និងមន្រ្តីរាជការនៃអគ្គនាយកដ្ឋានទាំងអស់ ដែលមានរបៀបវារៈចំនួន៥ គឺ ៖ ១-ពិនិត្យលទ្ធផលការងារដែលបានអនុវត្តក្នុងផែនការ និងក្រៅផែនការប្រចាំខែកុម្ភ: ឆ្នាំ២០២២ ២-បញ្ហាបច្ចេកទេសសវនកម្ម និងបញ្ហាប្រឈមផ្សេងៗក្នុងពេលអនុវត្តការងារសវនកម្ម ៣-ទិសដៅការងារសម្រាប់អនុវត្តក្នុងខែមីនា ឆ្នាំ២០២២ ៤-ការងារថ្នាក់ជាតិ ៥-បញ្ហាផ្សេងៗ។

នាព្រឹកថ្ងៃសុក្រ ៣កើត ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៤ ខែកុម្ភៈ ឆ្នាំ២០២២ វេលាម៉ោង ៨:៣០ព្រឹក អគ្គនាយកដ្ឋានសវនកម្មផ្ទៃក្នុង នៃក្រសួងសេដ្ឋកិច្ចនិងហិរញ្ញវត្ថុ បានរៀបចំកិច្ចប្រជុំតាមលើខ្សែ (Online) ដើម្បីពិនិត្យលទ្ធផលការងារដែលបានអនុវត្តក្នុងផែនការ និងក្រៅផែនការប្រចាំខែមករា ឆ្នាំ២០២២ និងទិសដៅការងារសម្រាប់អនុវត្តក្នុងខែកុម្ភៈ ឆ្នាំ២០២២ ក្រោមអធិបតីភាពរបស់ឯកឧត្តមបណ្ឌិត ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានសវនកម្មផ្ទៃក្នុង ដោយមានការចូលរួមពីថ្នាក់ដឹកនាំ និងមន្រ្តីរាជការនៃអគ្គនាយកដ្ឋានទាំងអស់ ដែលមានរបៀបវារៈចំនួន៥ គឺ ៖ ១-ពិនិត្យលទ្ធផលការងារដែលបានអនុវត្តក្នុងផែនការ និងក្រៅផែនការប្រចាំខែមករា ឆ្នាំ២០២២ ២-បញ្ហាបច្ចេកទេសសវនកម្ម និងបញ្ហាប្រឈមផ្សេងៗក្នុងពេលអនុវត្តការងារសវនកម្ម ៣-ទិសដៅការងារសម្រាប់អនុវត្តក្នុងខែកុម្ភៈ ឆ្នាំ២០២២ ៤-ការងារថ្នាក់ជាតិ ៥-បញ្ហាផ្សេងៗ។

កាលពីថ្ងៃពុធ ២រោច និងថ្ងៃព្រហស្បតិ៍ ៣រោច ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៩ និង ២០ ខែមករា ឆ្នាំ២០២១ ឯកឧត្តមបណ្ឌិត ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានសវនកម្មផ្ទៃក្នុង បានដឹកនាំថ្នាក់ដឹកនាំ និងមន្រ្តីអគ្គនាយកដ្ឋានចូលរួមវិបស្សនាស្តីពី "ការត្រួតពិនិត្យលទ្ធផលការងារឆ្នាំ២០២១ និងទិសដៅអនុវត្តឆ្នាំ២០២២ "។ វិបស្សនានេះ ត្រូវបានរៀបចំនៅខេត្តកំពត ដែលមានគោលបំណងដូចជា៖ ១. បូកសរុបការងាររដ្ឋបាល ការងារកំណែទម្រង់ ការអនុវត្តថវិកាកម្មវិធី វឌ្ឍនភាពការងារផ្នែកសវនកម្មបច្ចេកវិទ្យាព័ត៌មាន និងសវនកម្មលើប្រព័ន្ធ FMIS ២. ស្វែងយល់វឌ្ឍនភាពកែទម្រង់តាមអគ្គនាយកដ្ឋានសំខាន់ៗមួយចំនួន និងនីតិវិធីដំណើរការសវនកម្មប្រក្រតីភាពថ្មី ២. បញ្រ្ជាបផែនការសវនកម្មផ្ទៃក្នុងឆ្នាំ២០២២, កម្មវិធីកែទម្រង់ GDAP3+2 ឆ្នាំ២០២២ និង ៣. បូកសរុបបញ្ហាប្រឈមនានាដែលបានជួបប្រទះក្នុងឆ្នាំ២០២១ និងដំណោះស្រាយ។

នាព្រឹកថ្ងៃចន្ទ ៨កើត ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១០ ខែមករា ឆ្នាំ២០២១ វេលាម៉ោង ៨ព្រឹក អគ្គនាយកដ្ឋានសវនកម្មផ្ទៃក្នុង នៃក្រសួងសេដ្ឋកិច្ចនិងហិរញ្ញវត្ថុ បានរៀបចំកិច្ចប្រជុំតាមលើខ្សែ (Online) ដើម្បីពិនិត្យលទ្ធផលការងារដែលបានអនុវត្តក្នុងផែនការ និងក្រៅផែនការប្រចាំខែធ្នូ ឆ្នាំ២០២១ និងទិសដៅការងារសម្រាប់អនុវត្តក្នុងខែមករា ឆ្នាំ២០២២ ក្រោមអធិបតីភាពរបស់ឯកឧត្តមបណ្ឌិត ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានសវនកម្មផ្ទៃក្នុង ដោយមានការចូលរួមពីថ្នាក់ដឹកនាំ និងមន្រ្តីរាជការនៃអគ្គនាយកដ្ឋានទាំងអស់ ដែលមានរបៀបវារៈចំនួន៥ គឺ ៖ ១-ពិនិត្យលទ្ធផលការងារដែលបានអនុវត្តក្នុងផែនការ និងក្រៅផែនការប្រចាំខែធ្នូ ឆ្នាំ២០២១ ២-បញ្ហាបច្ចេកទេសសវនកម្ម និងបញ្ហាប្រឈមផ្សេងៗក្នុងពេលអនុវត្តការងារសវនកម្ម ៣-ទិសដៅការងារសម្រាប់អនុវត្តក្នុងខែមករា ឆ្នាំ២០២២ ៤-ការងារថ្នាក់ជាតិ ៥-បញ្ហាផ្សេងៗ។

នាព្រឹកថ្ងៃអង្គារ ១១រោច ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣០ ខែវិច្ឆិកា ឆ្នាំ២០២១ វេលាម៉ោង ០៨:០០នាទី ឯកឧត្តមបណ្ឌិត ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានសវនកម្មផ្ទៃក្នុង អមដោយលោកជំទាវអគ្គនាយករង ថ្នាក់ដឹកនាំនាយកដ្ឋាន និងមន្រ្តីជំនាញបានអញ្ជើញចូលរួមសិក្ខាសាលាផ្សព្វផ្សាយសៀវភៅណែនាំស្តីពីសវនកម្មលើកិច្ចប្រតិបត្តិការ ដែលរៀបចំដោយ អជ្ញាធរសវនកម្មជាតិ ក្រោមអធិបតីរបស់ឯកឧត្តម បណ្ឌិត អ៊ុក សារាវុធ អគ្គសវនកររង (តាមរយៈប្រព័ន្ធវីដេអូ Zoom) ដែលមានអ្នកចូលរួមមកពីក្រសួង ស្ថាប័នសរុបចំនួន ១៨១នាក់ ។