នាព្រឹកថ្ងៃអង្គា ៥រោច ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៣ ខែធ្នូ ឆ្នាំ២០២២ ឯកឧត្តមបណ្ឌិត ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានសវនកម្មផ្ទៃក្នុង អមដោយថ្នាក់ដឹកនាំ បានអញ្ជើញចូលរួមកិច្ចប្រជុំកម្រិតថ្នាក់ដឹកនាំស្តីពី "សេចក្តីព្រាងច្បាប់ស្តីពីលទ្ធកម្មសាធារណៈថ្មី"

នារសៀលថ្ងៃចន្ទ ៤រោច ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១២ ខែធ្នូ ឆ្នាំ២០២២ លោកជំទាវ អគ្គនាយករងនៃអគ្គនាយកដ្ឋានសវនកម្មផ្ទៃក្នុង អមដោយក្រុមការងារ និងមន្រ្តីជំនាញរបស់អគ្គនាយកដ្ឋាន ដើម្បីពិនិត្យ និងពិភាក្សាលើផែនការសកម្មភាពដែលត្រូវអនុវត្តរួមគ្នាលើផែនការសកម្មភាពសម្រាប់អនុវត្តយុទ្ធសាស្រ្តនៃការកែទម្រង់ប្រព័ន្ធថវិកាឆ្នាំ (២០១៨ -២០២៥)។

នាព្រឹកថ្ងៃច័ន្ទ ១២កើត ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៥ ខែធ្នូ ឆ្នាំ២០២២ វេលាម៉ោង ៨:៣០នាទី #អគ្គនាយកដ្ឋានសវនកម្មផ្ទៃក្នុង នៃក្រសួងសេដ្ឋកិច្ចនិងហិរញ្ញវត្ថុ បានរៀបចំកិច្ចប្រជុំដើម្បីពិនិត្យលទ្ធផលការងារដែលបានអនុវត្តក្នុងផែនការ និងក្រៅផែនការប្រចាំខែវិច្ឆិកា ឆ្នាំ២០២២ និងទិសដៅការងារសម្រាប់អនុវត្តក្នុងខែធ្នូ ឆ្នាំ២០២២ ក្រោមអធិបតីភាពរបស់ឯកឧត្តមបណ្ឌិត ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានសវនកម្មផ្ទៃក្នុង

នាថ្ងៃសុក្រ ៩ កើត ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០២ ខែធ្នូ ឆ្នាំ២០២២ ឯកឧត្តម ជា វុធណា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានសវនកម្មផ្ទៃក្នុង បានទទួលជួបជាមួយឯកឧត្តម ឈុន សម្បត្តិ ប្រធានអង្គភាពសវនកម្មផ្ទៃក្នុង នៃសេវាហិរញ្ញវត្ថុមិនមែនធនាគារ ព្រមទាំងសហការី និងសិក្ខាកាម ដើម្បីគោរពថ្លែងអំណរគុណយ៉ាងជ្រាលជ្រៅចំពោះឯកឧត្តមប្រតិភូ និងលោកគ្រូ អ្នកគ្រូឧទ្ទេស ដែលបានបង្ហាត់បង្រៀន និងចែករំលែកបទពិសោធន៍ល្អៗ ជូនដល់មន្ត្រីជំនាញចំនួន ៣ រូប របស់អង្គភាពសវនកម្មផ្ទៃក្នុងនៃ អ.ស.ហ.​ ដែលចុះហ្វឹកហាត់ការងារដល់ទីកន្លែងពាក់ព័ន្ធនឹងកិច្ចការសវនកម្មផ្ទៃក្នុងនៅអគ្គនាយកដ្ឋានសវនកម្មផ្ទៃក្នុងនៃ កសហវ ក្នុងរយៈពេលមួយខែកន្លងមកនេះ។ សូមអរគុណ