នៅព្រឹកថ្ងៃចន្ទ ៦កើត ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៤ ខែសីហា ឆ្នាំ២០២០ អគ្គនាយកដ្ឋានសវនកម្មផ្ទៃក្នុង នៃក្រសួងសេដ្ឋកិច្ចនិងហិរញ្ញវត្ថុ បានរៀបចំបើកវគ្គបណ្តុះបណ្តាល លើគោលការណ៍ណែនាំស្តីពី “ស្តង់ដាសវនកម្មសមិទ្ធកម្ម សវនកម្មលើគម្រោងហិរញ្ញប្បទាន ពីដៃគូអភិវឌ្ឍន៍ និងសវនកម្មបច្ចេកវិទ្យាព័ត៌មាន” តាមរយៈប្រព័ន្ធអនឡាញ ជូនសវនករផ្ទៃក្នុងនៅតាម ក្រសួង ស្ថាប័ន និងអង្គភាពសាធារណៈចំនួន ៤៩ ដែលសវនករមានចំនួន ៤៨០នាក់ ក្រោមអធិបតី ភាពឯកឧត្តម ជា វុធណា អគ្គនាយកនៃអគ្គនាយកដ្ឋានសវនកម្មផ្ទៃក្នុង។ សិក្ខាសាលានេះ មានរយ:ពេល ៥ ថ្ងៃ ដោយចាប់ផ្តើមពីថ្ងៃទី២៤ ដល់ថ្ងៃទី២៨ ខែសីហា ឆ្នាំ២០២០ ហើយមានគោលបំណងផ្សព្វផ្សាយប្រកាស និងផ្តល់ពុទ្ធិដល់សវនករអំពី៖ ១-ស្តង់ដា និងគោលការណ៍ណែនាំសវនកម្មសមិទ្ធកម្ម ២-សវនកម្មលើគម្រោងហិរញ្ញប្បទានពីដៃគូអភិវឌ្ឍន៍ និង ៣-សវនកម្មបច្ចេកវិទ្យាព័ត៌មាន។

នៅថ្ងៃសុក្រ ១១កើត ខែស្រាពណ៏ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៣១ ខែកក្កដា​ ឆ្នាំ២០២០ ថ្នាក់​ដឹក​នាំ​ និង​មន្រ្តី​នៃអគ្គនាយកដ្ឋានសវនកម្មផ្ទៃ​បាន​ចុះត្រួតពិនិត្យស្ថានភាពមុខងារ​សវនកម្មផ្ទៃក្នុង នៅនាយកដ្ឋានសវនកម្មផ្ទៃក្នុង នៃក្រសួងទំនាក់​ទំនងជាមួយរដ្ឋសភា-ព្រឹទ្ធសភា និង អធិការកិច្ច។

នាថ្ងៃទី ៣០ ខែ កក្កដា ឆ្នាំ ២០២០ ថ្នាក់​ដឹក​នាំ និង​មន្រ្តី​​នៃ​អគ្គ​នាយកដ្ឋាន​សវន​កម្ម​ផ្ទៃក្នុង​ បានចូលរួមកិច្ចប្រជុំពិភាក្សាកម្រិតជំនាញជាមួយ​អគ្គនាយកដ្ឋានថវិកាដែលជាតំណាងក្រសួង សេដ្ឋកិច្ចនិងហិរញ្ញវត្ថុ ក្នុងក្របខណ្ឌថ្នាក់ជាតិ ដើម្បីការពារគម្រោងផែនការចំណូល-​ចំណាយថវិកាឆ្នាំ ២០២១ របស់ក្រសួងសេដ្ឋកិច្ចនិងហិរញ្ញវត្ថុ ។

នារសៀលថ្ងៃទី ២៩ ខែកក្កដា ឆ្នាំ២០២០ លោកជំទាវអគ្គនាយករង ប្រធានគណៈប្រតិភូសវនកម្មផ្ទៃក្នុង នៃអគ្គនាយកដ្ឋានសវនកម្មផ្ទៃក្នុង បានដឹកនាំកិច្ចប្រជុំស្តីពីការឆ្លងលទ្ធផលសវនកម្មនៃការអនុវត្តប្រព័ន្ធ FMIS នៅ ក្រសួងទាំង៤ ក្នុងឆ្នាំ២០១៩ តាមប្រព័ន្ធអនឡាញជាមួយ នាយកដ្ឋានបច្ចេកវិទ្យាព័ត៌មាន នៃអគ្គលេខាធិការដ្ឋាន ក្រសួងសេដ្ឋកិច្ច និង​ហិរញ្ញវត្ថុ។

នាព្រឹកថ្ងៃទី២៣ ខែកក្កដា ឆ្នាំ២០២០ លោក គាត ហេង តំណាងអគ្គនាយកដ្ឋានសវនកម្មផ្ទៃក្នុង និង លោក សន នី តំណាងអគ្គនាយកដ្ឋានគោលនយោបាយ នៃក្រសួងសេដ្ឋកិច្ចនិងហិរញ្ញវត្ថុ ព្រម ទាំងសហការី បានចូលរួមកិច្ចប្រជុំគណៈកម្មាធិការសវនកម្មអាស៊ានលើកទី៤៥ ចាប់ពីថ្ងៃទី២៣ ដល់ ២៤ ខែកក្កដា ឆ្នាំ២០២០ តាមរយៈប្រព័ន្ធអនឡាញ រៀបចំដោយលេខាធិការដ្ឋានអាស៊ាន នាទីក្រុង ហ្សាកាតា ប្រទេសឥណ្ឌូនេស៊ី ក្រោមការសម្របសម្រួលប្រធានផ្លាស់វេនដោយប្រទេសវៀតណាម។

នាថ្ងៃព្រឹកថ្ងៃ សុក្រ ១២រោច ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី ១៧ ខែកក្កដា ឆ្នាំ២០២០ លោកជំទាវអគ្គនាយករង នៃអគ្គនាយកដ្ឋានសវនកម្មផ្ទៃក្នុងបាន ចូលរួមប្រជុំលើកទី ០២ លើសេចក្តីព្រាងផែនការយុទ្ធសាស្រ្តបញ្រ្ជាបយេនឌ័ររបស់ក្រសួងសេដ្ឋកិច្ច និងហិរញ្ញវត្ថុ។

នាថ្ងៃព្រឹកថ្ងៃ សុក្រ ១២រោច ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី ១៧ ខែកក្កដា ឆ្នាំ២០២០ លោកអគ្គនាយករង និងថ្នាក់ដឹកនាំនៃអគ្គនាយករងនៃអគ្គនាយកដ្ឋានសវនកម្មផ្ទៃក្នុងបាន ចូលរួមប្រជុំពិនិត្យមើលការអនុវត្តថវិកាប្រឆ្នាំ២០២០ និងគម្រោងថវិកា ចំណាយឆ្នាំសម្រាប់ឆ្នាំ ២០២១ ដែលប្រព្រឹត្តទៅនៅទីស្តី ការក្រសួងសេដ្ឋកិច្ច និងហិរញ្ញវត្ថុ ។

នាថ្ងៃ ព្រហស្បតិ៍ ១១រោច ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី ១៦ ខែកក្កដា ឆ្នាំ២០២០ លោកជំទាវអគ្គនាយករង នៃអគ្គនាយកដ្ឋានសវនកម្មផ្ទៃក្នុង បានដឹកនាំក្រុមការងារ អគ្គនាយកដ្ឋានជួបជាមួយតំណាងក្រុមការងារធនាគារពិភពលោកដើម្បីរៀបចំ Business Continuity Plan តាមប្រព័ន្ធអនឡាញ។

នាថ្ងៃព្រឹកថ្ងៃ ពុធ ១០រោច ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី ១៥ ខែកក្កដា ឆ្នាំ២០២០ លោកជំទាវ អគ្គនាយករងនៃអគ្គនាយកដ្ឋានសវនកម្មផ្ទៃក្នុងបានចូលរួមកិច្ចប្រជុំ កិច្ចប្រជុំលើកទី ០៤ នៃក្រុមការងាររៀបចំក្របខ័ណ្ឌ និងវិធាននៃប្រព័ន្ធសវនកម្មផ្ទៃក្នុង និងអធិការកិច្ច ដើម្បីពិនិត្យ និងពិភាក្សាលើសេចក្តីព្រាងអនុក្រឹត្យស្តីពីក្របខ័ណ្ឌមុខងារ ភារកិច្ចរបស់សវនកម្ម ផ្ទៃក្នុងនិងអធិការកិច្ច នាទីស្តីការក្រសួងសេដ្ឋកិច្ច និងហិរញ្ញវត្ថុ។

នាថ្ងៃ ចន្ទ ០៨រោច ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី ១៣ ខែកក្កដា ឆ្នាំ២០២០ លោកជំទាវអគ្គនាយករង នៃអគ្គនាយកដ្ឋានសវនកម្មផ្ទៃក្នុង បានអញ្ជើញចូលរួមកិច្ច​ប្រជុំត្រួតពិនិត្យ​សេចក្តីព្រាងផែនការយុទ្ធសាស្រ្តបញ្រ្ជាបយែនឌ័រ របស់ក្រសួងសេដ្ឋកិច្ច និងហិរញ្ញវត្ថុ ឆ្នាំ២០២០ - ២០២៣ ។

នាថ្ងៃព្រឹកថ្ងៃ សុក្រ ០៥រោច ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី ១០ ខែកក្កដា ឆ្នាំ២០២០ ថ្នាក់ដឹកនាំនៃអគ្គនាយកដ្ឋានសវនកម្មផ្ទៃក្នុង បានអញ្ជើញ ចូលរួមកិច្ច​ប្រជុំ​បង្កើត​ក្រុម​ប្រឹក្សាភិបាលថ្មីអាណត្តិទី ០៤ នៃសមាគមសង្គហ:មិត្ត បុគ្គលិក និងមន្ត្រីរាជការនៃក្រសួងសេដ្ឋកិច្ច និងហិរញ្ញវត្ថុ ក្រោមអធិបតីភាពលោកជំទាវ កែវ ចរិយា ។

នាព្រឹកថ្ងៃអង្គារ ០២រោច ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី០៧ ខែកក្កដា ឆ្នាំ២០២០ ឯកឧត្តមជា វុធណា អគ្គនាយកនៃអគ្គនាយកដ្ឋានសវនកម្មផ្ទៃក្នុង និងថ្នាក់ដឹកនាំ នាយកដ្ឋាន បានអញ្ជើញចូលរួមកិច្ចប្រជុំគណៈកម្មការកែទម្រង់ការគ្រប់គ្រងហិរញ្ញវត្ថុសាធារណៈ ជាមួយតំណាងដៃគូអភិវឌ្ឍន៍ ដើម្បីពិនិត្យ និងពិភាក្សាលើរបាយការណ៍វឌ្ឍនភាពប្រចាំឆ្នាំ២០១៩ នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៣ តាមប្រព័ន្ធអនឡាញ (Video Conference) ក្រោមអធិបតីភាពដ៏ខ្ពង់ខ្ពស់របស់ឯកឧត្តមអគ្គបណ្ឌិតសភា ចារ្យឧបនាយករដ្ឋ មន្ត្រី អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ។

នាព្រឹកថ្ងៃសុក្រ ១៣កើត ខែអាសាឍ ទោស័ក ព.ស ២៥៦៤ ត្រូវនឹងថ្ងៃទី០៣ ខែកក្កដា ឆ្នាំ២០២០ អគ្គនាយកដ្ឋានសវនកម្មផ្ទៃក្នុងបានរៀបចំកិច្ចប្រជុំពិនិត្យលទ្ធផលការងារដែលបានអនុវត្តក្នុងផែនការ និងក្រៅផែនការប្រចាំខែមិថុនា ឆ្នាំ២០២០ និងទិសដៅការងារសម្រាប់អនុវត្តក្នុងខែកក្កដា ឆ្នាំ២០២០ តាមប្រព័ន្ធអនឡាញ ដើម្បីចូលរួមបង្ការ និងទប់ស្កាត់ការរាតត្បាតនៃជំងឺកូវីដ ១៩ ក្រោមអធិបតី ភាពរបស់ឯកឧត្តម ជា វុធណា អគ្គនាយកនៃអគ្គនាយកដ្ឋានសវនកម្មផ្ទៃក្នុង។